ILOILO — Patay ang 47-anyos nga lalaki samtang na-ospital ang iya upod sang nagpangkuryente sa sapa sa Brgy. Punong Grande, Dueñas las-12:10 kaina sang udto.
Ginkilala ang napatay kay alyas Jun samtang yara sa ospital si alyas Muroy.
Suno kay Police Corporal Friday Jess Navigar, imbestigador sang Dueñas Municipal Police Station, nagapamunit sa sapa ang duha ka lalaki sang natabo ang insidente.
Sa imbestigasyon sang police, nautod ang kable sang kuryente nga naangut sa improvised ng kawayan nga naplastar sa tubig. Nakasaksak sa outlet ang kable suno sa police.
Tungod sini, naglusong sa tubig si Jun gani nakuryente. Nakit-an siya ni Muroy gani ginbuligan pero nagtabog.
Dead-on-arrival sa ospital si Jun samtang admitted sa ospital si Muroy. — Aksyon Paula Elambayo
