ILOILO CITY — Gin-report ang 247 ka children-at-risk (CAR), kag 132 children in conflict with the law (CICL) sa siyudad base sa Child Case Matrix and Profile Snapshot tubtob third quarter sang 2026.
Base ini sa Annual Integrated Data sang City Social Welfare and Development Office (CSWDO) kag Women and Children Protection Desk (WCPD).
85% sang CICL cases naga-involve sang mga lalaki nga pamatan-on nga naga-edad 14 tubtob 17 anyos, nga may high-concentration sang mga kaso sa Mandurriao, Molo, City Proper, Jaro, kag Arevalo.
62% sang mga kaso ang naresolbar paagi sa diversion committee pareho sang Katarungang Pambarangay.
Nagapanguna nga offense ang pagpangawat; nagapangaduha ang pag-violate sa curfew, cutting-classes, kag iban pa nga violations sa mga ordinansa sa siyudad; kag nagapangatlo ang kaso sang physical injury kag assault.
Ang data nagapakita man sang 11% sang mga kaso may kaangtanan sa substance kag drug-related exposure sa mga kabataan, samtang ginakahangawa naman ang cyber risk kag online harms nga yara sa 6% sang kabug-usan nga kaso.
Angut sini, ginlunsar sang CSWDO kag Iloilo City Council for the Protection of Children (ICCPC) ang Project GABAY agud pabakuron ang proteksyon sa mga pamatan-on ilabe na sa mga nagakinahanglan sang suporta kag proper intervention.
