ILOILO — Na-identify na ang lalaki nga nasapwan patay sa Brgy. Bongol San Vicente, Guimbal kagab-i, Agosto 11.
Suno kay Punong Barangay Romeo Pedroso sang Brgy. Bongol San Vicente, taga-Brgy. Igcocolo ang lalaki nga isa ka pintor.
Sa nakuha nga impormasyon sang Aksyon Radyo Iloilo sa Guimbal Municipal Police Station, nakit-an sang mga mangingisda ang lawas sang pintor nga nagakulob kag nagalutaw sa baybay.
Ginpahigad sang mga mangingisda ang bangkay sang lalaki kag nagtawag sa police.
Padayon nga gina-imbestigaran sang Guimbal police ang natabo. — Aksyon Paula Elambayo
