ILOILO CITY — Dakup ang anay mag-live in partner sa drug buy bust operation sa Barangay San Pedro, Jaro kagab-i, Agosto 19.
Suno kay Police Captain Roque Gimeno III, head sang City Drug Enforcement Unit (CDEU), na-monitor ang illegal nga transaksyon sang mga subjects nga sanday Regina Tomas, 45-anyos sang Sto.Niño Sur, Arevalo kag Andy Nain, 59-anyos nga residente sang barangay tungod sa impormasyon nga ginpalab-ot sang mga pumuluyo nga madamo sang mga pangayaw nga nagaguwa-sulod sa ila lugar.
Dugang ni Gimeno, magluwas sa pagbaligya ni Nain sa iya balay, may mga tion man nga gina-deliver niya ang illegal nga druga sa mabakal.
Sa monitoring sang police, may ginakuhaan si Nain sang supply sang illegal nga druga sa Jaro pero nagpamalibad si Gimeno sa pagbuyagyag sang ngalan sang source tungod gina-surveillance na nila.
Na-recover ang 12 ka sachets sang suspected shabu nga ginabanta nagabug-at sang 60 grams kag standard drug price nga P408,000. — Aksyon Maria Kayla Tingzon
