ILOILO — Nakuha sa Criminology student ang P816,000 nga balor sang suspected shabu sa drug buy bust operation sa Barangay Batad Viejo, Batad kahapon, Agosto 21.
Ginkilala ang subject kay alyas Jeffrey, 23-anyos, residente sang amo nga barangay kag naga-eskwela sa private school sa Iloilo City.
Suno kay Police Captain John Predic Padilla, hepe sang Batad Municipal Police Station, sa siyudad sang Iloilo kag Estancia nagakuha sang supply ang subject samtang nagakadto sa ila balay ang mga nagabakal sa iya sang illegal nga druga.
Dugang ni Padilla, upod sang subject sa ila balay ang iya amay nga senior citizen nga wala sang ihibalo sa iya illegal nga mga transakyon tungod gab-i ini kag nagakatulog na siya.
Nakuha sa operasyon ang siyam ka sachets sang suspected shabu nga ginabanta nagabug-at sang 120 grams. — Aksyon Maria Kayla Tingzon
