ILOILO CITY — Tatlo ka mga balay ang nasunog sa Barangay Alalasan, Lapuz kagab-i, Agosto 24.
Suno kay Kagawad Joebert Delgado, nakaguwa ang tanan nga naga-estar sa duha ka mga balay samtang wala na sang nagatiner sa isa pa.
Sa impormasyon sang kagawad sa dapog ni Mario Mandap nagsugod ang kalayo.
Dugang ni Delgado, PWD kag naga-wheelchair si Mandap nga gintuwangan sang mga tambay para makaguwa upod sa iya asawa kag bata.
Gilayon naman nga nagguwa ang iya mga kasilingan suno sa kagawad.
Naglaton naman ini sa balay ni Alan Porras kag pamilya Gumapas sa diin wala na sang naga-istar.
Gindeklarar fire undercontrol las-11:55 sang gab-i. — Aksyon Maria Kayla Tingzon
