ILOILO — Naglab-ut sa P2.5 million nga balor sang suspected shabu ang na-recover sa buy bust operation sang Regional Police Drug Enforcement Unit (RPDEU) 6 sa Brgy. Alegre, Oton las-10:55 kagab-i.
Sa operasyon sang police na-recover sa 36-anyos nga subject ang duha ka dalagku nga sachets sang suspected shabu kag siyam ka sachets sang suspected shabu.
May kabug-aton nga 380 grams ang mga na-recover nga suspected shabu sa subject.
Sa pagpangusisa sang Aksyon Radyo Iloilo news team, yara sa drugs-watchlist sang Oton police ang subject nga ginakabig daku nga drug personality sa Oton. — Aksyon Paula Elambayo
