ILOILO CITY — Nadakpan ang ginatudlo source sang illegal drugs sa Mandurriao sa buy bust operation sang Station Drug Enforcement Team sang Iloilo City Police Station 5 sa Brgy. Guzman-Jesena, Mandurriao kagab-i. Sept. 16.
Ang main subject ginkilala kay alyas Boy upod kanday alyas Bert kag alyas MM nga mga pangayaw.
Na-monitor sang duha ka semana ang ilegal nga aktibidad sang main subject paagi sa mga drug subjects nga nadakpan.
Ginpahayag ni Amado nga naguwa ang ngalan ni Boy sa mga nakaligad nga drug operations sang ICPS 5.
Sa pagpangusisa sang police, ang duha nga upod ni Boy ang taga-probinsiya sang Iloilo kag nagakadto sa lugar kon maubusan sang supply sang illegal drugs.
Dugang pa ni Amado, tungod asud-asod ang drug operations sa probinsiya sang Iloilo, istratehiya sang mga drug personalities nga magpadulong sa siyudad agud indi ma-monitor sang kapulisan. — Aksyon Paula Elambayo
Naglab-ut sa P850,000 ang balor sang anum ka sachets sang suspected shabu nga na-recover.
