Former 7th nominee sang Kabataan Party-list lakip sa 19 nga napatay sa engkwentro sang militar kag rebelde nga grupo sa Negros Occidental

Patay ang anay 7th nominee sang Kabataan Partylist sa engkwentro sa tunga Philippine Army kag rebelde nga grupo sa Barangay Salamanca, Toboso, Negros Occidental sang Abril 19.

Suno kay Ipe Gelle sang Human Rights Advocate Negros, ginkumpirmar sang pamilya nga nalakip si RJ Ledesma, 30-anyos sa 19 nga napatay sa engkwentro.

Si Ledesma ang residente sang Bacolod City kag writer-editor sang Paghimutad -Negros Island Region Alternative Media.

Ginpaathag ni Gelle nga nagahimo sang “research” si Ledesma rason nga naga-conduct sang interview sa mga residente para sa iya nga obra..

Gintawag ni Gelle nga “kabutigan” ang ginapaguwa nga istorya sang militar sa engkwentro batok sa rebelde nga grupo. — Aksyon Angel Mae Ciudad