ILOILO CITY—Maupod sa “Trillion Peso March” sa Septiyembre 21 sanday Councilors Sedfrey Cabaluna, Nene Dela Llana, Rex Marcus Sarabia, Miguel Treñas, kag SK Federation President Jelma Crystel Implica.
Ginkumpirmar ni Cabaluna sa Aksyon Radyo Iloilo nga maupod siya sa protesta sang ginpakigbahin ni MSGR Meliton Oso, director sang Jaro Archdiocesan Social Action Center nga nagabuylog sa ila nga kawsa ang konsehal.
Si Dela Llana naman pursigido nga mag-upod sa protesta bisan sa personal na niya nga kapasidad.
Pero ginhaylo ni Dela Llana ang mga kaupdanan niya nga sanday Sarabia, Treñas, kag Implica kag nagpabutyag man sang ila nga interes sa pag-upod sa protesta.
Sa session subong nga adlaw ginpabutyag ni Sarabia nga “we will not make ang any pronouncements against the government. We will just walk in the street.”
Samtang wala gihapon nakapaguwa sang categorical statement si Mayor Raisa Treñas kon maupod siya sa Septiyembre 21 nga protesta. — Aksyon Marvin Malificiar
