Anay preso dakup sa drug buy bust sa Calajunan, Mandurriao; Pulis pilason sang nakadanlog samtang nagalagas sa subject

ILOILO CITY — Gindala sa ospital ang pulis sang nakadanlog samtang ginalagas ang subject sa drug buy bust operation sa Brgy. Calajunan, Mandurriao la-1 kaina sang kaagahon.

Suno kay Police Captain Roque Gimeno III, officer-in-charge sang Iloilo City Drug Enforcement Unit, nagdalagan ang pulis sang naghana nga malagyo ang subject.

Na-aresto ang subject nga si alyas Eiver, 29 anyos, anay preso kag residente sang amo nga barangay. Gindakup na sadtu sang kapulisan si alyas Eiver tungod sa kaso nga pagpangawat.

Ginpaathag ni Captain Gimeno nga naga-ulan sa tion sang operasyon.

Nalipong sang makadali ang pulis sang nakadanlog kag natumba sa kilid sang dalan kag nagtupa sa semento ang iya ulo. Pero nakaguwa man siya sa ospital makaligad ginhatagan sang first aid.

Na-recover sang Station Drug Enforcement Team ang 14 sachets sang suspected shabu nga may kabug-aton nga 60 grams kag may standard drug price nga Php 408,000. — ARI trainee Decyrrie Diamante