Senior citizen patay sang na-hit-and-run sang awto sa Tigbauan

ILOILO — Patal nga pilas sa ulo ang gintunaan sang kamatayon sang senior citizen sang nabungguan sang awto sa Brgy. 5, Tigbauan kahapon, Sept. 21.

Ang biktima amo si alyas Gloria 60- anyos residente sang amo nga barangay.

Suno kay Police Captain Alfred Mansoy, officer-in-charge sang Tigbauan Municipal Police Station, matabok pa lang kuntani sa karsada ang tigulang padulong sa tindahan sa banwa sang nabungguan sang awto.

Dead-on-arrival sa ospital ang senior citizen.

Nagpalagyo ang driver sang awto padulong sa direksyon sang Iloilo City, suno sa police.

Padayon ang pag-check sang police sang CCTV footages agud mahibaluan ang plate number sang salakyan kag identity sang driver.