ILOILO — Ginakabig sang police nga high-value individual drug personality ang 36-anyos nga negosyante nga nadakpan sa buy bust operation sa Purok 2, San Joaquin kagab-i, Sept. 26.
Suno kay Police Captain Isagani Tabares, officer-in-charge sang San Joaquin Municipal Police Station, pila na ka tuig naga-engage sa illegal drugs si alyas Boy gani madugay na na-monitor sang kapulisan.
Base sa monitoring, ginatudlo nga isa sa mga ginakuhaan sang supply sang illegal drugs sa San Joaquin si Boy.
Sa operasyon sang police, na-recover ang 80 grams nga kabug-aton sang suspected shabu nga nagabalor sang P544,000. — Aksyon Paula Elambayo
