ILOILO CITY—44 ka beses nga ginpalakpakan si Mayor Raisa Treñas sa iya nga State of the City Address subong nga hapon.
Sa 50 minutos nga pag-deliver sang iya nga speech, ginpakigbahin ni Treñas ang iya mga hinimuan sa sulod sang una nga 100 ka adlaw niya bilang alkalde sang siyudad.
Nasentro ang SOCA ni Treñas sa iya gintawag nga “Rise to Action” para sa mas inclusive kag mas innovative nga siyudad. Ini ginabug-usan sang Rising Health and Social Services, Rising Economy, kag Rising Livability.
Suno kay Treñas, ini ang tatlo ka mga haligi sang 42 na ka mga proyekto kag programa nga iya napatuman sa una nga 100 ka adlaw sa iya opisina.
Dugang pa sang alkalde, ipadayon sang iya nga administrasyon ang Access to education and social services, Comprehensive health and wellness, Trabaho at negosyo, Immersive tourism and culture, Orderly and safe communities, kag Nature-based sustainability. — Aksyon Marvin Malificiar
