Suspect sa pagpatay sa tiya ni the late Sen. Miriam Defensor-Santiago ginserbihan sang warrant of arrest sa Janiuay

ILOILO — Preso sa Bingawan Municipal Police Station ang suspect sa pagpatay sa tiya ni the late Senator Miriam Defensor-Santiago makaligad ginserbihan sang warrant of arrest sa kaso nga robbery homicide sang Oktubre 6.

Suno kay Police Lieutenant Philip Girao, hepe sang Bingawan Municipal Police Station, sa ila tracker team gintugyan ang pag-monitor sa suspect nga si alyas Neneng, 38-anyos sang Brgy. Hilwan, Calinog, sa bulig man sang intelligence community sang rehiyon gani nadakpan sa Brgy. San Julian, Janiuay sa diin siya nagatrabaho bilang construction worker.

2008 ang natabu ang pagpatay sa tiya sang anay senador sa Brgy. Cubay, Jaro kag nagguwa ang warrant of arrest sang Pebrero 2008.

Ginahulat ang commitment order sang suspect agud masaylo na siya sa Bureau of Jail Management and Penology sa Nanga, Pototan.– Aksyon Maria Kayla Tingzon