May bomb threat sa SM Delgado; pamahog ginpadala sa Facebook page sang Aksyon Radyo Iloilo

ILOILO CITY — Nakabaton sang mensahe ang Aksyon Radyo Iloilo paagi sa Facebook page nga may bomb threat sa department store sa Delgado St, City Proper subong nga hapon.

Gilayon nga gin-report sang Aksyon Radyo sa Iloilo City Police Station 1 kag ginpatawgan na sang Explosive Ordinance Disposal.

Ginkumpirmar ni Police Captain Melchor Tolentino, officer-in- charge sang Iloilo City Police Station 1 nga wala sang bomba sa SM Delgado pagkatapos sang assessment sang security personnel sang mall.