ILOILO — Ginkumpirmar ni Police Captain Jose Winston Biadog, hepe sang Lambunao Police Station nga may menor-de-edad nga nalakip sa pito (7) ka mga persons of interest sa paghimulos kag pagpatay sa 7 ka tuig nga bata babaye sa Barangay Tampucao, Lambunao sang November 7.
Suno kay Biadog, indi pa gid nila mahatag ang kabug-usan nga mga impormasyon tungod nagapadayon pa ang iimbestigasyon.
Napadala na sa Camp Crame-Philippine National Police ang mga specimen nga nakuha sa mga persons of interest sang November 13.
Mahulat sang tatlo ka semana antes mag-abot ang resulta sang DNA test, suno sa pulis.
Nagpasalig naman si 3rd District Board Member Jason Gonzales nga mabulig sa kutob sang ila masarangan agud mapadasig ang mga request nga kinahanglanon sa pagsolbar sa kamatayon sang biktima.
Sa madumduman, nasapwan sang iya nga lola si alyas Mimi nga nasulod sa sako sa banyo sang ila nga balay. — Aksyon Angel Mae Ciudad
