ILOILO — Dead-on-arrival sa ospital ang 5 ka tuig nga bata nga nalumos sa bubon sa Barangay Botongon, Estancia.
Suno kay Police Corporal Roberto Vargas, imbestigador sang Estancia Municipal Police Station, naglisensiya ang mag-utod sa ila iloy nga maligo sa bubon.
Ginpasugtan sang iloy ang tatlo niya ka bata nga maligo sa bubon.
Ang mga bata naga-edad sang 8 ka tuig, 7 ka tuig nga lunsay lalaki kag ang agot nga babaye nga amo ang nahulog sa bubon.
Nagaguwa sa imbestigasyon sang pulis nga nagtimba sang tubig ang 5 ka tuig. Wala niya madala ang timba rason nga nahulog.
Gilayon nga nagpangayo sang bulig ang magulang sa iya iloy.
Naglumpat ang iloy sa bubon kag iban pa nga residente apang wala makita gilayon ang bata tungod nga madalum ang tubig.
Minutos pa antes nakita ang bata nga gilayon man ginadala sa ospital. — Aksyon Angel Mae Ciudad
