ILOILO — ILOILO— Patay ang 34-anyos nga miembro sang PNP Special Action Force (SAF) sang nalukpan sang pusil sa ila balay sa Barangay Pili, Ajuy las-3 kaina sang kaagahon.
Suno kay Police Captain Aileen Lacrite, hepe sang Ajuy Municipal Police Station, nakabaton sila sang tawag halin sa 911 nga may accidental firing sa lugar.
Pagresponder sang pulis, wala na sa lugar ang biktima kag nadala na sang MDRRMO responders sa ospital.
Gindeklarar naman nga dead-on-arrival ang biktima nga may pilas sa tuo nga tyan.
Sa initial nga imbestigasyon sang pulis, accidental firing ang natabo pero gina-imbestigaran pa ang insidente.
Indi pa makahatag sang dugang nga detalye ang asawa sang biktima nga upod niya sa kwarto sang natabo ang insidente. Ginpabutyag sang asawa nga nagakatulog siya sang nakabati sang lupok sang pusil.
Na-recover ang issued firearm sang biktima nga 9mm caliber pistol.
Assigned sa Antique ang biktima nga nagaranggo sang patrolman. — Aksyon Farrah Mae Morano
