ILOILO — Isa ang patay samtang naglab-ut sa P9 million ang balor sang kahalitan sang nasunog ang building sang poultry farm sa Brgy. Pagdugue, Dumangas kaagahon sang Huwebes, Disyembre 18.
Suno kay Senior Fire Officer 2 Yuhlen Demagajes, chief sang Operation kag Intelligence and Investigation Unit sang Dumangas Fire Station, una nga nakit-an sang security guard nga may nagakalayo sa gina-construct nga building gani nagpangayo sang bulig sa mga construction workers.
Ginpahayag ni Demagajes nga indi pa lubos nga nahuman ang building kag may mga ginakay-o pa sa sulod.
Tungod madasig nga nag-ibwal kag naglapta ang kalayo, madasig nga naguwa ang mga construction workers pero wala nakahingagaw ang 57-anyos nga foreman.
Tungod sa kalaparon sang building kag sa nagapuog nga aso, nabudlayan ang mga bumbero nga mapalong ang kalayo, suno kay Demagajes.
Ginalantaw sang BFP-Dumangas nga electrical in nature ang rason sang sunog.
Pasado las-2:30 sang kaagahon gindeklarar nga fireout ang sunog. — Aksyon Paula Elambayo
