ILOILO — Na-capture sa CCTV camera ang isa sa tatlo ka mga suspects sa pagpangawat sa money changer kag pawnshop and jewelry store sa GT Town Center sa Pavia sang Disyembre 17.
Suno kay Police Lieutenant Colonel Rolando Araño, spokesperson sang Iloilo Police Provincial Office, ginakalipay nila ang amo nga development tungod may sundan na sa pagtumod sa mga persons of interest.
Nahamtang sa sulod sang pawnshop and jewelry store ang CCTV camera nga naka-capture sa isa sa mga suspects.
May CCTV camera man nga naka-capture sa tatlo ka suspects pero isa lang ang athag nga amo ang nakita nga nagsulod sa diin nahamtang ang vault sang pawnshop and jewelry store.
Gina-check pa sang kapulisan sa rogue’s gallery kon may yara sang magsibo sa description sang suspect nga na-capture sa CCTV camera. — Aksyon Maria Kayla Tingzon
