ILOILO CITY — Nagalab-ot sa 10 ang totally gutted kag lima (5) ang partially damaged sa sunog sa Barangay San Juan, Molo.
Base sa datos sang City Social Welfare and Development (CSWD), 17 ka pamilya ang apektado sang sunog nga ginabug-usan sang 49 ka mga indibidwal.
Temporaryo nga nag-tinir sa San Juan Elementary School ang iban nga nasunugan samtang ang iban ang nagtinir sa balay sang ila mga himata.
Nakapadala na sang bulig ang DSWD kag ang City Government.
Sa mga luyag nga magapadala sang bulig ang magkadto lang sa San Juan Elementary School. — Aksyon Angel Mae Ciudad
