ILOILO— Dead-on Arrival sa ospital ang driver sang motorsiklo sang nabungguan sang elf truck sa Barangay Sablogon, Passi City kaina sang aga.
Suno kay Police Captain Maria Rosario Miranda, spokesperson sang Passi City Police, halin sa Altavas ang driver sang motorsiklo nga si alyas Maria, 28-anyos residente sang Pototan.
Natumba ang driver sang motorsiklo tungod wala niya gilayon nakita ang mga naganilapta nga tubo sa karsada.
Base sa imbestigasyon wala makita sang driver sang truck nga si alyas Romeo nga may natumba sa karsada.
Suno sa report sang Passi City Responders in Disasters and Emergencies, wala na sang pulso kag wala na nagaginhawa ang driver sang motorsiklo bisan nga gin-CPR gani gindala sa ospital pero wala natabangan. — Aksyon Angel Mae Ciudad
