P3.5 million nga balor sang suspected shabu nakuha sa 2 ka subjects sang drug bust operation sa Passi City

ILOILO — Nakuhaan sang P3.5 million nga balor sang suspected shabu ang duha ka mga subjects sa drug bust operation sa Barangay Agdahon, Passi City las-11:40 kaina sang aga.

Nadakpan sa amo nga operasyon kanday alyas Dan, 60-anyos nga nalakip sa watchlist sang Provincial Drug Enforcement Unit (PDEU), kag iya upod sa pagtransaksyon nga si alyas Joe, 54-anyos, lunsay residente sang nasambit nga barangay.

Suno kay Police Major Dadje Delima, chief sang PDEU, 2021 sang nagsugod sa pagbaligya sang illegal nga druga si Dan kag subong lang nadakpan tungod “madanlog” sa mga operatiba.

Ginpabutyag man ni Delima nga sadtoanay, sa Bakhaw, Mandurriao nagakuha si Dan sang supply sang illegal nga druga pero sang nadakpan ang iya source sang Regional Police Drug Enforcement (RPDEU) 6sang nagligad nga tuig, sa Capiz na nagakuha ang subject.

Naga-supply si Dan sang illegal nga sa 3rd kag 4th Districts, suno kay Delima.

Tatlo ka dalagko kag tatlo man ka gagmay nga sachets sang suspected shabu nga ginabanta nagabug-at masobra tunga sa kilo ang nakuha sa subjects. — Aksyon Maria Kayla Tingzon