ILOILO CITY—Sunod-sunod nga drug buy bust operation ang gina-conduct sang kapulisan sa syudad kag probinsya sang Iloilo.
Kagab-i, na-recover kay alyas Norman, 61-anyos ang 11 ka sachets sang suspected shabu nga nagabug-at sang 160 grams kag may standard drug price nga P1, 088,000.
Magluwas sa illegal drugs, na-recover man ang homemade 12-gauge pistol-type shotgun sa subject.
Pasakaan sang kaso sa pag-violate sa Republic Act 9165 (Comprehensive Dangerous Drugs Act of 2002) kag Republic Act 10591 (Comprehensive Firearms and Ammunition Regulation Act).
Suno kay Police Colonel Wilbert Parilla, Officer-in-Charge sang Iloilo City Police Office, indi mag-untat ang kapulisan sa intensified campaign batok sa illegal drugs bisan ano man ang edad sang naga-engage.
“Let this serve as a strong warning that ICPO will relentlessly pursue drug personalities and ensure that they face the full force of the law. Our operations will remain aggressive, intelligence-driven, and within the bounds of the law,” suno kay Parilla. — Aksyon Farrah Mae Morano
