ILOILO — Nakuhaan sang P136,000 nga balor sang suspected shabu ang subject sang drug bust operation sa Barangay Salacay, Cabatuan las-12:03 kaina sang kaagahon.

Suno kay Police Captain Mary Dhen Gerbolinga, officer-in-charge sang Cabatuan Municipal Police Station, nakaagi na preso sa kaso may kaangtanan man sa illegal nga druga ang subject nga si alyas Bodoy, 29-anyos nga residente sang amo nga barangay, kag sang 2023 lang nakaguwa.

Sa impormasyon sang pulis, isa ka tuig pagkatapos nakaguwa sa presuhan liwat nag-engage sa pagbaligya sang illegal nga druga ang subject.

Ginahibalo pa sang kapulisan kon diin nagakuha sang illegal nga druga ang subject. — Aksyon Maria Kayla Tingzon