ILOILO CITY—Nagpahanumdom ang City Health Office (CHO) sa mga commercial sex workers nga maghalong kag magsunod sa mga safe sex practices agud indi matapikan sang MPox.
Sa press conference ni Mayor Jerry Treñas kahapon, Hunyo 3, ginpabutyag ni City Health Officer, Dr. Mary Ann Diaz nga naga-conduct sila subong sang public awareness campaign lakip na ang pagtipon sa mga commercial sex workers kon diin ipatuman sang CHO ang mas istrikto nga preventive measures kontra MPox sa ila.
Nagpanugyan si Dr. Diaz nga ang mas maayo nga himuon agud malikaw sa virus amo nga likawan ang pagpakighilawas sa tawo nga infected sang MPox lakip na ang pag-practice sang safe sex.
“Avoid lang tani sexual contact with those infected individuals kag mag-practice safe sex considering nga ang mode of transmission is commonly on the direct contact, specifically skin-to-skin contact during sexual activity,” suno kay Dr. Diaz.
Dugang pa niya, skin-to-skin ang mode of transmission sang balatian kag nalakip diri ang pagpakighilawas sa tawo nga infected sang amo nga balatian. — Aksyon Marvin Malificiar
