ILOILO CITY — ILOILO— Malapit isa ka milyon nga balor sang suspected shabu ang nadakpan sa drug buy bust operation sa Zone 6, Brgy. Bakhaw, Mandurriao la-1:51 subong nga hapon.
Anum ang nadakpan sa operasyon lakip kanday Luigi, 33-anyos; Jolien, 35-anyos; Cindy, 42-anyos; Elfred, 31-anyos; Joel, 41-anyos; kag Oscar, 52-anyos.
Suno kay Captain Roque Gimeno III, head sang City Drug Enforcement Unit (CDEU) updanay sa pag-engage sa illegal activities ang anum.
Si Luigi nga subject sang operasyon nalakip sa Barangay Anti-Drug Abuse Council (BADAC) list kag tokhang surrender.
Na-recover ang ginabanta 140 grams sang suspected shabu nga may standard drug price nga P952,000.
Indi pa mabuyagyag sang pulis ang source sang illegal drugs sang subject pero padayon na nga gina-monitor. — Aksyon Farrah Mae Morano
