ILOILO — Pilas sa ulo ang ginkapatay sang nagabisikleta nga nabungguan sang motorsiklo sa Barangay San Jose, San Miguel las-9:20 kagab-i.
Suno kay Police Captain Bryan Alejo, officer-in-charge sang San Miguel Municipal Police Station, nagatabok ang nagabisikleta nga si alyas Boy, 52-anyos sang nabungguan sang motorsiklo nga ginmaneho ni alyas Toni, 32-anyos nga residente sang Barangay Talacuan, Leon.
Pakadto si Toni sa Iloilo City tungod may duty bilang call center agent samtang may baklon naman sa tiyangge si Boy sang natabu ang aksidente.
Gindala pa sa ospital si Boy pero napatay.
Nagapaayo naman sa ospital si Toni tungod napilasan man sa ulo.
Nag-aregluhanay na ang magtimbang nga bahin. — Aksyon Maria Kayla Tingzon
