ILOILO— Naglapaw sa taytay kag nahulog sa suba ang awto sa Brgy. Igtalongon, Igbaras kahapon sang aga, Marso 9.
Suno kay Captain Francisco Doanne Lomahan, hepe sang Igbaras Municipal Police Station, halin sa Poblacion kag pakadto sa Brgy. Corucuan ang salakyan.
Sa pagpangusisa sang pulis, pag-abot sa taytay nag-slide ang ruweda sang awto gani nahulog sa suba.
Nakaagum sang minor injuries ang driver kag nagreklamo sang pagpalanakit sa lawas ang duha ka sakay. — Aksyon Farrah Mae Morano
