ILOILO CITY — Naglab-ut sa 30 ka pamilya ang naapektuhan sang sunog sa Brgy. Gustilo, La Paz subong nga hapon.
Ini ang base sa latest data, suno kay Kagawad John Christian Labto.
Nagapadayon pa ang assessment sang barangay upod ang City Social Welfare and Development Office (CSWDO).
Sa 30 ka pamilya, ginabanta sa masobra 60 ka indibidwal lakip na ang kabataan ang apektado sang sunog.
12 naman ang totally gutted samtang lima ang partially damaged.
