ILOILO – Pilason ang mag-asawa lakip ang menor-de-edad nila nga bata sang nahulog sa kanal ang ginasakyan nga motorsiklo sa Brgy. Imbang Grande, Passi City kahapon sang aga. Oktubre 1.
Sa panaysayon sang amay nga amo ang driver sang motorsiklo, nadulaan siya sang kontrol sa pagmaneho pag-abot sa dulhugon nga porsyon sang dalan gani nagdiretso sa kanal.
Nagasgasan sa dughan ang amay samtang may pilas sa tiil kag posible na-dislocate ang abaga sang iloy. Napilasan man sa tuo nga kamot kag mata ang menor-de-edad.
Gindala ang magpamilya sa Don Valerio Memorial District hospital sa dugang nga pagbulong.
