ILOILO — Naka-recover sang P600,000 nga balor sang suspected shabu ang San Joaquin police sa gin-conduct nga drug bust operation sa Purok 4, Barangay Poblacion, San Joaquin mga las-10 kagab-i, Marso 27.
Subject sa operation si alyas Erling, 45-anyos nga residente sang amo nga barangay.
Isa ka sachet kag duha ka dalagku nga pinutos sang suspected shabu nga nagabug-at 90 grams ang nakuha sa subject.
Paagi sa ginpalab-ot nga impormasyon sang concerned citizen nga nagabaligya sang illegal nga druga si Erling, gin-monitor ang subject sang kapulisan tubtob nasigurado kag gin-operate.
Samtang natukiban nga sa Iloilo City nagahalin ang supply sang illegal nga druga nga ginabaligya sang subject sa ila banwa. — Aksyon Maria Kayla Tingzon
