5 ka drivers sa Western Visayas, nagpositibo sa drug test sa Oplan Harabas sang PDEA

REGIONAL NEWS — Nagpositibo ang lima ka mga drivers drug test sa nagkalain-lain nga terminal sa Western Visayas kadungan sang Oplan Harabas sang Philippine Drug Enforcement Agency (PDEA 6) subong nga Marso 30.

Sa datos sang PDEA 6, duha ka tricycle drivers sa Culasi Terminal, Antique ang nagpositibo; sa Pueblo de Panay Integrated Transport Terminal, Capiz, may duha man nga nagpositibo–isa ang tricycle driver kag isa ang jeepney driver.

Samtang sa City Mall Terminal sa Kalibo, Aklan may isa ka tricycle driver nga nagpositibo.

Wala naman sang may nagpositibo sa mga gin-drug test sa Sara Transport Terminal, Iloilo.

Ang Oplan Harabas kabahin sang tikang sang PDEA 6 para sa safety sang mga pasahero. — Aksyon Angel Mae Ciudad