ILOILO— Wala natabangan ang manghod sang ginbuno sang iya mismo nga magulang samtang nagakatulog sa salog sang iya balay sa Brgy. Manaulan, Lambunao kahapon sang hapon, Abril 13..
Suno kay Lieutenant Andrew Capalla, deputy sang Lambunao Municipal Police Station, nagakatulog sa salog sang iya balay ang biktima nga si alyas Toto, 41-anyos sang nag-abot ang iya magulang nga si alyas Nonoy, 51-anyos kag gulpi lang siya ginbuno.
Naka-inum ang suspek, suno sa pulis kag nagaselebrar pa sang fiesta ang barangay.
Ginhingagaw dala sa ospital ang biktima pero gindeklarar nga dead-on-arrival tungod sang pilas sa wala nga porsyon sang dughan.
Sa pagpangusisa sang pulis, may kaakig ang suspek sa biktima. Gina-alegar sang suspek nga ginsakit siya sang biktima kag ginasakit pa gid sang biktima ang ila nga iloy gani naakig siya.
Nag-surrender ang suspek kag preso na subong sa Lambunao custodial facility. — Aksyon Farrah Mae Morano
