ILOILO— Patay na sang nasapwan ang mangunguma sa sulod sang Lemery Catholic Cemetery subong nga aga.
Ginkilala ang mangunguma kay Honorio, 57-anyos.
Suno kay Police Corporal Lio Jarce, imbestigador sang Lemery Municipal Police Station, nagakaya sang nakit-an ang mangunguma kag may dugo sa ulo.
Sa initial nga impormasyon sang pulis nga kon wala sang trabaho ang mangunguma, naga-inom siya kag nagakadto sa patyo.
Ginpahayag sang mga residente sa palibot nga nakita nila kahapon ang mangunguma nga naga-inom aga pa.
Ginalantaw sang pulis nga nagkadto sa patyo ang biktima, kag tungod sa kahulugbon natumba siya kag nag-igo ang ulo sa bato.
Gina-imbestigaran pa sang pulis ang insidente. — Aksyon Farrah Mae Morano
