WVSU College of Law Vox Populi Moot Team, first runner-up sa 30th Stetson International Environmental Moot Court Competition sa Florida, USA

Ginpabugal sang West Visayas State University (WVSU) College of Law ang kadalag-an sang ila Vox Populi Moot Team sa 30th Stetson International Environmental Moot Court Competition sa Florida, USA.

Ginhingadlan nga first runner-up ang team, nga nagbiyahe sa Gulfport, Florida, agud mag-compete sa global stage sa Stetson University. Ginpakita sang team ang ila legal expertise, dedikasyon, kag commitment para sa environmental advocacy.

Ginkilala nga 9th Best Speaker si John Patrick Palquiran, samtang si Therese Diane Germinanda ang 3rd best speaker sa Preliminary Rounds.

Ginpasidunggan man si Germinanda nga best speaker sa final round.

Ang team ginabug-usan nanday Germinanda, Palquiran, kag Jose Emilio Luis Combatir, kag gina-coach nanday Judge Lowell Fredrick Madrileño, Atty. Regina Johanna V. Gustilo, kag Pros. Federic Loise Regencia.

Suportado man ang team ni Dean Ian Thomas M. Besana.