ILOILO — Patay ang 72-anyos nga evacuee nga nagatiner sa SK Office sang nasunog nga Multipurpose Building sang Brgy. Bansag, Lambunao kagab-i, Abril 25.
Suno kay Fire Officer 3 Gerald Caseria, arson investigator sang Lambunao Municipal Fire Station, wala nakaguwa sa sulod sang SK Office si Nicolas Legaspi sang nasunog ini.
Suffocation ang findings sang doktor sa pagkapatay sang evacuee kag indi totally burnt ang iya lawas.
Sa impormasyon sang bumbero, naguba ang balay ni Legaspi sang naglaslas ang Bagyo Tino sang Nobyembre 2025 gani temporaryo nga ginpatiner sa SK Office samtang nagapatindog sang iya balay.
Ginpabutyag man ni Caseria nga sang gindul-ong si Legaspi sang iya abyan nga upod nag-inom antes ang sunog, nagapanigarilyo pa siya.
Baga sang sigarilyo ang ginalantaw rason sang mga bumbero nga ginhalinan sang sunog tungod wala man ginapasugtan si Legaspi nga magluto sa SK Office.
Wala natupok ang SK Office kag napunggan man ang paglapta sang kalayo sa iban pa nga mga opisina. — Aksyon Maria Kayla Tingzon
