ILOILO — Naga-anggid sa pamaagi sang termite gang ang mga nagsulod sa C. Bayate Pawnshop sa Poblacion Centro, Calinog.
Suno kay Mayor Francisco “Ico” Calvo sang Calinog, posible sa tamburong nga konektado sa suba nag-agi ang mga suspek tubtob nga nakalab-ot sa idalum sang pawnshop.
Ginabanta 200 tubtob 250 meters ang kalabaon sang tamburong halin sa suba.
Sa impormasyon sang alkalde may gingamit nga “liquid” ang mga suspek nga makapahumok sa semento antes nila gin-jack ang semento tubtob sa tiles.
P100,000 cash ang nakuha kag P100,000 nga balor sang alahas.
Subong nagapadayon pa ang imbestigasyon sang pulis.
