ILOILO — Padayon nga ginabulong sa ospital ang manug-scrap nga ginbuno sang laborer sa Brgy. Asisig San Enrique kagab-i.
Suno kay Police Captain Dandy Ilalto, Officer-in-Charge sang San Enrique Municipal Police Station, yara sa iya balay ang biktima nga si alyas Rosilo, 28 anyos, sang naglabay ang suspek nga si alyas Jomar, 49 anyos, nga nagasakay sa motorsiklo.
Nagdulog si Jomar, nga papuli na sa iya balay, kag nag-istorya kay Rosilo apang nagluntad ang pagbinaisay.
Dugang pa ni Ilalto, sang naglakat si Jomar, ginsundan siya ni Rosilo agud i-settle ang ila problema sang gulpi siya ginbuno sang suspect.
Napilasan sa tiyan si Rosilo nga gindala sa ospital.
Yara naman sa kustodiya sang San Enrique police si Jomar. Naga-istoryahanay na ang pamilya sang suspek kag pamilya sang biktima suno sa police.
