Malapit P1 million nga balor sang suspected shabu na-recover sa drug buy bust sa Dingle; Barangay tanod lakip sa nadakpan

ILOILO— Malapit sa P1 million nga balor sang suspected shabu ang na-recover sa drug buy bust operation sa Brgy Tabugon, Dingle subong nga hapon.

Lakip sa mga nadakpan kanday alyas Toto, 39-anyos nga barangay tanod; kag alyas Nonoy, 32-anyos nga welder, lunsay residente sang amo man nga lugar.

Suno kay Major Dadje Delima, head sang Provincial Drug Enforcement Unit (PDEU), ginahibalo pa nila ang source sang illegal drugs sang mga nagkaladakpan.

Na-recover ang 140 grams sang suspected shabu nga may standard drug price nga P952,000. — Aksyon Farrah Mae Morano