ILOILO — Naalangan sa pagliko ang driver amo nga nahulog ang ginamaneho nga pick up sa talamnan sa Radial Road sakup sang Barangay Calaboa, Leganes kagab-i, May 9.
Suno kay Patrolman Joemar Nerios, imbestigador sang Leganes Municipal Police Station, halin sa direksyon sang Iloilo ang pick kag paliko na sa tuo sang naglapaw.
Halin sa highway, kitid ang dalan nga ginlikuan sang pick up.
Sa pagpangusisa sang imbestigador sa mga sakay sang pick up, naka-inom ang driver.
Tatlo ang sakay sang pick up pero wala napilasan.
Wala naman sang nabungguan ukon na-damage nga propriedad ang pick up.
Gilayon naman nga nakatawag sang towing service gani napasaka na ang pick up. — Aksyon Maria Kayla Tingzon
