ILOILO— Na-recover ang P1.7 million nga balor sang suspected shabu kag marijuana sa drug buy bust operation sa Brgy. Cano-an, Estancia.
Subject sang operasyon si alyas Nonoy, 37-anyos sang Brgy. Mamhut Sur, Balasan.
Suno kay Lt. Adrian Baligod, hepe sang Estancia Police Station, napreso na tungod sa illegal drugs ang subject.
Gin-monitor ang subject sa diin nadiskubrihan nga nagabaligya siya sang shabu sa Estancia kag kaiping nga kabanwahanan.
Tungod sa daku nga supply sang illegal drugs nga na-recover sa subject, gina-monitor kon may kaupdanan pa siya sa ila illegal nga ginahimo. — Aksyon Farrah Mae Morano
