12-anyos nga bata nga naglangoy sang 6 ka oras agud makapangayo sang bulig sang nagkapan ang baruto sa Culasi, Antique ginpasidunggan sang PCG-Western Visayas

ILOILO CITY — Ginkilala sang Philippine Coast Guard -Western Visayas si Cherry Ann Mateo, ang 12-anyos nga bata nga naglangoy sang anum ka oras agud makapangayo sang bulig sang nagkapan ang ginasakyan nga baruto sa Batbatan Island Culasi, Antique sang Mayo 6 kag duha ka rescuers.

Ginhimo ang pasidungog sa headquarters sang Coast Guard District Western Visayas sa Bo. Obrero, Lapuz kaina sang aga.

Lakip man ang duha ka rescuers nga kanday Edgar B. Antonio kag Mr. Johnny M. Patricio nga nagbulig sa search and rescue operations sang mga otoridad.

Sa amo nga pasidungog ginakilala sang PCG ang “extraordinary courage” nga ginpakita sang mga awardees agud makasalbar sang kabuhi.