Masobra tunga sa milyon nga balor sang suspected shabu na-recover sa drug bust operation sa Tigbauan

ILOILO— Sige-sige ang operasyon sang kapulisan sa syudad kag probinsya sang Iloilo batok sa naga-engage sa illegal nga drug activities.

Kaina sang hapon, na-recover ang masobra tunga sa milyon ka pesos nga balor sang suspected shabu sa drug buy bust operation sa Barroc, Tigbauan.

Subject sang operasyon si alyas Panoy, 34-anyos sang amo man nga lugar.

Ang pagkadakop sang pulis sa subject ang resulta sang monitoring pagkatapos sang impormasyon sa concerned citizen.

Sa operasyon sang Regional Police Drug Enforcement Unit (RPDEU) nakumpiskar ang 80grams sang suspected shabu nga may standard drug price nga P544,000. — Aksyon Farrah Mae Morano