ILOILO— Naglab-ut sa tatlo ka hektarya sang katubuhan ang nasunog sa Sitio Talaytay, Poblacion South East Zone, Lemery kaina sang aga.
Suno kay Senior Fire Officer 1 Gerald Ramirez sang Lemery Fire Station, nagapadayon ang pagpanapas sang tubo pero sige man ang pangtutod nila.
Sang nagpahuway na ang mga tinawo, ginsigurado nila nga napalong ang kalayo pero posible liwat nga nag-ibwal tungod sang hangin.
Madasig nga naglaton ang kalayo sa mga laya nga dahon kag katubuhan tungod sa hangin kag init.
Wala sang balay nga na-ulamid kag wala man sang may napilasan sa insidente. — Aksyon Farrah Mae Morano
