ILOILO CITY — Nalapawan ang 20,000 nga target voter registrants sa Iloilo City para sa Barangay and Sangguniang Kabataan Elections (BSKE) sa Nobyembre 2.
Naglab-ut na sa 25,004 ka mga bag-o parehistro nga botante ang na-record sang City COMELEC as of Mayo 16.
Base naman sa inisyal nga numero sang kabug-usan nga botante sa siyudad, naglab-ut na ini sa 306,367 as of Marso 31 sang ginhimo ang una nga election board hearing.
Sa pagtakup sang voter registration subong nga adlaw, ginapaabot nga madamo pa nga botante ang madugang sa inisyal nga numero, ilabe na ang nagparehistro humalin Abril 1.
Pagkatapos sang voter registration, liwat nga mahimo sang election board hearing agud mahibaluan ang kadamuon sang botante sa BSKE nga himuon sa Nobyembre 2. — Aksyon Marvin Malificiar
