Salesman sa Estancia Feeder Port ginbuno sang angkas niya sa motorsiklo; motor sang biktima ginsakyan sa pagpalagyo dala ang iya nga kwarta

ILOILO— Ginbuno, ginbilin sa kilid sang karsada kag ginkuha pa ang motorsiklo kag kwarta sang salesman sang Estancia Feeder Port la-1 kaina sang kaagahon sa Purok 1, Brgy. Tacbuyan, Estancia.

Suno kay Police Lieutenant Adrian Baligod, OIC sang Estancia Municipal Police Station, papuli na ang biktima nga si alyas Ricky samtang angkas niya ang suspek.

Ginakumpirmar pa sang kapulisan ang identity sang suspek nga collector man sa port.

Sa imbestigasyon sang pulis, nakakuha sang kahigayunan ang suspek gani ginbuno niya ang biktima. Napilasan sa dughan kag tuo nga tyan ang biktima.

Pagkatapos sang insidente, ginsakyan sang suspek ang motorsiklo sang biktima kag nagpalagyo.

Nakuha pa sang suspek ang P100,000 nga kwarta sang biktima. Napatay ang biktima tungod sang pilas nga naagum. — Aksyon Farrah Mae Morano