ILOILO— Patay ang 35-anyos nga biktima sang ginbuno sang iya nakabais sa Barangay Agmanaphao, Mina kahapon, Mayi 20.
Suno kay Lieutenant Redan Octaviano, OIC sang Mina Municipal Police Station, naga-istoryahanay sa waiting shed ang biktima nga si alyas Wen kag ang suspek nga si alyas Joe, 57-anyos, antes ang insidente.
Nagbaisay ang duha, suno sa pulis, tubtob nga nagkuha sang kutsilyo ang suspek halin sa iya nga sling bag kag ginbuno ang biktima sa dughan.
Ginahibalo pa sang pulis kon ano ang ginbaisan sang duha
Gindala pa sa ospital ang biktima pero napatay. At-large ang suspek. — Aksyon Farrah Mae Morano
