Presyo sang Illegal nga druga sa Iloilo Province nagmahal — PDEU

ILOILO— Kadungan sang nagamahal nga presyo sang mga balaklon, nagsaka man ang presyo sang illegal nga druga.

Ini suno kay Major Dadje Delima, head sang Provincial Drug Enforcement Unit (PDEU).

Kon sang una, P6,800 ang standard drug price sang isa ka gramo sang shabu, subong nagalab-ut na sa P7,000 tubtob P8,000, suno kay Delima. Nakadepende naman ini sa drug personality kon pila ang iya nga pagbaligya sang illegal drugs.

Ginpabutyag ni Delima nga sige-sige ang pag-operate sang tatlo ka teams sang PDEU agud matapna ang paglapta sang illegal drugs sa probinsya. — Aksyon Farrah Mae Morano